قومی پیغامِ امن کمیٹی کا ایک سال: علماء و مشائخ کا پلیٹ فارم پیغامِ پاکستان کے بیانیے کو گھر گھر پہنچا رہا ہے، علامہ عادل عطاری

اسلام آباد: قومی پیغامِ امن کمیٹی پاکستان کے ممبر علامہ عادل عطاری نے قومی پیغامِ امن کمیٹی کے قیام کا ایک سال کامیابی سے مکمل ہونے پر اپنے خصوصی ویڈیو پیغام میں اللہ تعالیٰ کا شکر ادا کرتے ہوئے کہا ہے کہ کمیٹی کا پہلا سال انتہائی کامیابی اور کامران کے ساتھ ہمکنار ہوا ہے۔

علماء و مشائخ کا متفقہ پلیٹ فارم

علامہ عادل عطاری نے اپنے ویڈیو پیغام میں اس بات پر زور دیا کہ قومی پیغامِ امن کمیٹی ملک بھر کے علماء و مشائخ کا ایک ایسا متفقہ اور منظم پلیٹ فارم ہے جس نے ‘پیغامِ پاکستان’ کے قومی و ملی بیانیے کو ملک کے کونے کونے اور گھر گھر تک پہنچانے میں کلیدی کردار ادا کیا ہے۔ انہوں نے کہا کہ کمیٹی نے ملک میں قیامِ امن، باهمی رواداری اور بھائی چارے کے فروغ کے لیے جو خدمات انجام دی ہیں، وہ اپنی مثال آپ ہیں۔

امن کے فروغ اور اتحاد کا عزم

انہوں نے اس عزم کا اعادہ کیا کہ تمام اراکین اس کے بنیادی مشن اور مقاصد کو آگے بڑھاتے ہوئے پاکستان میں اتحاد، اتفاق اور امن کی فضا کو مزید مستحکم کریں گے۔ علامہ عادل عطاری نے دعا کی کہ اللہ تعالیٰ اس کمیٹی کو مزید ترقی عطا فرمائے اور ملک و ملت کو ہر قسم کے فتنوں اور انتشار سے محفوظ رکھے۔